Aes isch wider so wit, für üsi Velotour, wo wider vom Ursi Ziegler organisiert worde isch. Am Donnschtig 10. Juni 2021 hei mir üs am 18.30 bim Bleichematt-Veloständer troffe. So hei sich 10 Froue, aui mit E-Bikes usgrüschtet, ufä Wäg gmacht.
D Tour het üs zerscht mou vo Biberist – Kräilige – Bismarck – Küttikofe – Lüterkofe id Waudhütte vo Lohn gfüehrt. Dört hets wieder äs feins Apéro vom Ursi gä. Merci vüu vüu mou, äs isch wie immer fein gsii.
Früsch gsterkt heimer de wider uf üsi Drohtesle müesse stiege und si via Buchhof – Steinerhof uf Biberischt is Giovanni`s pedalet. Bimene guete Ässe und Wi heimer dä gmüetlich Obe lo usklinge.
Äs isch ä coole Obe gsi und wider einisch zäme z si, het für Abwächslig gsorget.
Merci Ursi, das isch super gsii.
Bericht: Irene Orschel
