Velotour GymFit Frauen

 

Am Donnschtig 6.Juni 2019 hei mir üs am haubi sibni bim Bleichematt Veloständer troffe

für üsi traditionelli Velotour. 13 Froue sie mit de Velo barat gsii.

  

Uesi Tour het üs dasmou id 1881 Kantine nach Luterbach gfüehrt.

 

S Ursi Ziegler het s Kommando überno. Mir si dr Schwarzwäg z`türab uf Däredinge, när richtig Luterbach, de uf Deitige, wo mir am Fass, so heist die Hütte,

no ä chlinere Boxestop gmacht hei.

 

Worum ächt? Drümou chame rote.

S Ursi het natürlcih au dasmou wider äs gluschtigs Apero ufdischet.

Wiswy, feini Stückli Chäs – chüschtigi Salemettli-Redli und äs guets Brot.

 

Mir hei mitenand glaferet, vo diesem und jenem, und das feine Apero gnosse.

 

De heimer aues schön zämegrumt und sie de nomou ufs Velo gstige, wo mir nüm so lang

hei müesse pedale bis zum Uferpark und dr 1881 Kantine. Dört hei scho drü Froue uf üs gwartet. Ir 1881 Kantine hei mir aui äs feins Znacht gässe.

 

Leider got au aues mou verbii und mir hei üs de uf diräktem Wäg uf Biberischt gmacht.

 

Es isch ä coole Obe gsi. Es ganz grosses Merci  as Ursi Ziegler fürs organisiere!

 

Irene Orschel